Lunsj, Middag og Dessert – Sommaren 2021
Sommaren 2021 kan vi by på lunsj, middag og dessert frå onsdag til lørdag. Restauranten har også søndagsopent med tradisjonell søndagsmiddag.
Onsdag til laurdag tilbyr vi lunsjrettar og dagens middag. Smørbrød, kald sommartallerken, salatar, ostefjøl, suppe og rømmegraut, for å nemne noko. Vi lagar iskrem og sorbet, kaker, lefser og potetkaker. Vi har også masse god kaffi , både varm og kald.
Dagens middag vil variere. Det blir blant anna raspekaker med saltkjøt, pølse, rotstappe og stekt flesk kvar torsdag. Elles vil du kunne få krema fiskegryte, fiskegrateng, kjøttkaker, lasagne, chili con carne, hjorteburger og fårefrikassè.
Av dessert kan vi friste med rabarbrakompott med is, karamellpudding med krem, hermetiske plommer og håjen vaniljeis med friske bær.
Fredagar bakar vi brød og rundstykker, og lørdagar blir det nystekte vaniljesnurrar og kanelknutar.
Hos oss lagar vi maten frå grunnen av. Vi vektlegg å hente gode råvarer av høg kvalitet frå lokale produsentar som vi foredlar til spennande rettar med forankring i lokal matkultur.
Hos oss kan du også besøke Luftkampmuseet som ligg i same bygning. På museet får du innblikk i historia om den svarte fredagen. Den svarte fredagen refererer til luftslaget mellom tyske og allierte fly over Sunnfjord 9. februar 1945. Oppdraget var å senke ein tysk destroyer som låg i Førdefjorden. På Håjen kan du sjå gjenstandar frå flyvrak utstilt inne og ute, og ein dokumentarfilm laga av NRK Sogn og Fjordane blir vist på storskjerm.
Håjen ligg 6 km vest for Naustdal Sentrum. Frå lokala og terrassen har du fantastisk utsikt over Førdefjorden og du kan nyte lunsjen, middagen og desserten din med utsikt over Førdefjorden og Heilefjellet.
Onsdag til laurdag kl 13 til 17 Lunsj og dagens middag
Søndag kl 14 til 19
Bord for søndagsmiddag bestiller du på epost hslettehaug@gmail.com eller tlf 57 81 82 60På
Håjen Kafe 
